ترنيمة قلت عليك إن أنت ناسيني
- الترانيم
- 14 شريحة
- العربية
الشريحة 1 من 14
النص
- العربية
- (1) قلت عليك إن أنت ناسيني ولا بتدافع ولا تحميني ولا بيهمك إيه يفرحني ولا بيهمك إيه يبكيني
- العربية
- لقيتك راسم صورة لخطة ماهيش محصورة في ضعفي وجهلي وفكري البشري وقدراتي المحدودة
- العربية
- ولقيتك أب في وقت الحاجة تجري تمد الإيد ونبص بنظرتنا المحدودة وأنت تشوف لبعيد
- العربية
- (2) قلت الناس مساكين وغلابة وأنت بعيد والدنيا دي غابة والإيمان والصورة الحلوة لرعايتك شعارات كدابة
- العربية
- لقيت قلبك مليان إحساس وبتتألم لآلام الناس وعايش في همومنا ومشاكلنا وفي قلب الأحداث
- العربية
- ولقيتك لما الجوع بيشد تبعت خبزي مع الطير أتذمر وأنت تكون بتعد وترتب لي الخير
- العربية
- (3) قلت عليك ما بتسمعنيش أنده ياما عليك ما تجيش قلت إن أنت خلقت الناس وسايبنا نعيش زي ما بنعيش
- العربية
- لقيت في الشك غباء وسذاجة ساعات أحلامنا تكون محتاجة الشكر مع الإيمان والصبر ودموع الصلاة بلجاجة
- العربية
- ولقيت الصلاة والصبر معاك مجهود مش بيضيع واللي يجيلك عشمان يلقاك رب بصير وسميع
- العربية
- (4) قلت إن أنت بعيد في سماك وعينيا ما هياش شايفاك وأعمل إيه علشان أوصلك وأعمل إيه علشان ألقاك
- العربية
- لقيتك جيت في صورة إنسان وعشت في نفس ظروفي كمان واتقال عنك رجل الأوجاع ومختبر الأحزان
- العربية
- سامحني بدم بصليبك آسف أسأت الفهم في يوم وفي ثورة غضبي وقلبي الخايف وجهت لك لوم
- العربية
- كلمات: رأفت رضا ألحان: رأفت رضا ترنيم: روماني سليمان، صموئيل فاروق / فايز عدلي / إيريني أبو جابر / فيبي كرم / مينا نبيل المصدر: موقع الأنبا تكلاهيمانوت (St-Takla.org)