ترنيمة مش باحرَّم

عرض الآن
ترنيمة مش باحرَّم
الشريحة 1 من 10

النص

  1. العربية
    مش بحرم وكل مره نفس الحكايه علشان فاكرني تملي هو واقف معايا باتمادى فيها وباقول لنفسي بكره يسامحني ونفسي مره ابطل تهاون واقول كفاية
  2. العربية
    هو انا هاتعلم امتى ابطل استهتار ولا انا مش هارتاح غير لما تحرقني النار (2)
  3. العربية
    ربنا بيسامح اه لكن انا مش من حقي افضل أناني ورافض اخد حتى قرار كلمة سامحني بقت بتتكرر ليلاتي وباقولها مجامله عشان أنسى وما اكرهش حياتي ولو اتحايلت على دمع عيني مش بيطاوعني نشفت دموعي بردت مشاعري حتى في صلاتي
  4. العربية
    بس انا دلوقتي مصمم ان انا لازم افوق وكفايه برود ووجود بكيان ميت مخنوق (2)
  5. العربية
    تحت الرجلين بصيت ياما وادي اللي انا خدته جه الوقت ان انا عيني تفتح وتبص لفوق
  6. العربية
    تُبت وهاروحله والمره دي غير اللي فاتوا كان فيه حاجات حايشاني عنه دلوقتي ماتوا خسران كتير اللي كسب كل اللي عايزه وبعد كل ده في النهايه خسر حياته
  7. العربية
    غيرت الحسبه وصححت جميع الأوضاع ورجعت عشان الجاى وكفايه الماضي أهو ضاع (2)
  8. العربية
    مكسوف اتقدم بس في نفس الوقت أنا عارفه إنه هيقبلني عشان مش جاي بأي قناع
  9. العربية
    ترنيم: مينا فايز المصدر: موقع الأنبا تكلاهيمانوت (St-Takla.org)