ترنيمة جوا الدايرة

عرض الآن
ترنيمة جوا الدايرة
الشريحة 1 من 14

النص

  1. العربية
    أنا مش عارف ليه أنا بأغلط أنا محبط وبقيت متلخبط حاسس ان أنا حبي مؤقت أنا فعلاً فعلاً مليت
  2. العربية
    وأنا زيك ده أنا يمكن أصعب دأنا أكتر حد بيستصعب ما باكملش وبازهق واتعب مش باعمل زي أنا ما نويت
  3. العربية
    وأنا من بعد الألف محاولة بخسر لسة في نفس الجولة وباقع واعمل نفس العملة وارجع تاني مكان ما بديت
  4. العربية
    واضح ان الحال من بعضه ماحدش فينا محقق وعده وماحدش بيعاني لوحده كلنا قلنا لروحنا يا ريت
  5. العربية
    كلنا جوا الدايرة إياها بنلف وبندور جواها بين النية وبين الفعل العكسي بقينا ف قلب متاهة
  6. العربية
    كلنا عندنا نفس الحالة عندنا أسرار مش متقاله وحاجات محطوطة ف صناديقنا السودة ومدفونة ومتشاللة
  7. العربية
    الفكرة ان انا مش باستسهل أنا مش عايز احبه قليل نفسي ما يبقاش قلبي مليل أنا نفسي أخليه مبسوط
  8. العربية
    ما انا عارف ما المشكلة واحدة وعلاقتي معاه بتبان باردة مع اني باحبه ومش بارضى اضايقه واعيش وانا مش مضبوط
  9. العربية
    مش فارق على فكرة ما هو شايفك عامل ازاي من جوا والوضوع مش عند وقوة وقانون وحياة معقدة وشروط
  10. العربية
    احنا رجانا انه يقبلنا زي ما احنا كده بعبلنا دي الحاجه اللي بتحيي أملنا كل ما يبقى خلاص هيموت
  11. العربية
    كلنا جوا الدايرة إياها بنلف وبندور جواها بين النية وبين الفعل العكسي بقينا ف قلب متاهة
  12. العربية
    بس رجانا ان يسوع لينا هنضلم هينور فينا وبعد الوقعه اكيد لينا قومه لما يسوع ياخد بإيدينا
  13. العربية
    كلمات: إميل يوسف ألحان: باسم فوزي ترنيم: حياة جديدة باند المصدر: موقع الأنبا تكلاهيمانوت (St-Takla.org)