ترنيمة جايز أكون مش شايف نورك

عرض الآن
ترنيمة جايز أكون مش شايف نورك
الشريحة 1 من 7

النص

  1. العربية
    جايز اكون مش شايف نورك بس اكيد نورك موجود جايز اكون مش عايش خيرك لكن خيرك ما له حدود (2)
  2. العربية
    انت يا رب لوحدك تقدر تفتح عيني تشوف وتنور قلبي يعيش وياك يتغير يتحرر من كل قيود تشبع نفسي وتروي سلامي تملى بخيرك كل ايامي يبقى طريقك نور قدامي تخطي فوق اي حدود
  3. العربية
    ربي انا عارف ان انا ابنك وان مكاني معاك في سماك عارف اني هيكل قدسك اللي بنيته بسفك دماك (2)
  4. العربية
    امسك سوطك يا يسوع تاني ربي وطهر كل كياني اطرد كل شرور منعاني اني اعيش في المجد معاك وان كان عاشت فيا خطية افتح قبري ونادي عليا اغلب موت العالم فيا بدل كفني بستر فداك
  5. العربية
    انت يا ربي لوحدك تقدر تفتح عيني تشوف وتنور قلبي يعيش وياك يتغير يتحرر من كل قيود وان كان عاشت فيا خطية افتح قبري ونادي عليا اغلب موت العالم فيا بدل كفني بستر فداك
  6. العربية
    ترنيم: كورال أم النور، مسيساجا، كندا المصدر: موقع الأنبا تكلاهيمانوت (St-Takla.org)