ترنيمة متشال جوه العين

عرض الآن
ترنيمة متشال جوه العين
الشريحة 1 من 5

النص

  1. العربية
    متشال جوه العين والنني دايما حضنك بيطمني ده إنت حبيبي صديقي واقرب ومافيش مرة بتبعد عني أقرب من ضلي ومن نفسي سامع دقة قلبي وهمسي دايما عينك باصة علي وبتسهر على راحة نفسي
  2. العربية
    كل ما باشعر إني وحيد محتاج حنية تدفيني باجري عليك عشان إنت أكيد اللي حنانك ده هايكفيني ولو حتى الكل بعيد ألقاك جنبي وجاي تواسيني بادفى بحبك وأبقى سعيد بين دراعاتك بتخبيني
  3. العربية
    عمري في مرة ما هنت عليك مابتسمحش بشيء يأذيني مطرح ما باروح أنا بالاقيك بتأمن طرقي وتحميني قبل ما بانحني بالقى إيديك شالت حملي اللي هايحنيني بتحبني وأنا حاسس بيك حبك مالي علي سنيني
  4. العربية
    أوقات هابقى باموت م الخوف وأطمن أول ما تجيني ولما باكون يائس وباشوف الدنيا تسود في عيني بتنور قدامي حروف وعدك لي وبتعزيني أنا بيك باغلب أي ظروف علشان الله نفسه معيني