ترنيمة هَوِّنها وِعَدِّي الأزمات

عرض الآن
ترنيمة هَوِّنها وِعَدِّي الأزمات
الشريحة 1 من 8

النص

  1. العربية
    1- اسندنا يا ربنا يا معين رافعين لك أيادينا علشان لمراحمك كلنا طالبين نجي قلوبنا من الأحزان ( هونها وعدي الأزمات وابعت لنا فرحة وبركات وهنستنى الاستجابات واثقين فيك دايماً يا معين ) (2)
  2. العربية
    2- اللي لوحده مالوش اصحاب كل الناس بعدوا ونسيه بوجودك ينسى الأتعاب انت حبيبه وانت أبوه ( هونها وعدي الأزمات وابعت لنا فرحة وبركات وهنستنى الاستجابات مالناش غير حضنك يا يسوع ) (2)
  3. العربية
    3- اللي مريض وعلاجه محال متألم مش لاقي دواه اول ما هتؤمر في الحال هيلاقي نجاته وشفاه ( هونها وعدي الأزمات وابعت لنا فرحة وبركات وهنستنى الاستجابات انت الشفا وحدك يا يسوع ) (2)
  4. العربية
    4- اللي في ضيقة وقلبه كئيب من كتر الأوجاع مكسور جرحه بلمساتك هيطيب وهيرجع راضي ومجبور ( هونها وعدي الأزمات وابعت لنا فرحة وبركات وهنستنى الاستجابات شدة وبيك هتزول يا يسوع ) (2)
  5. العربية
    5- اللي عليه ديون والتزامات وما بينامش من التفكير هتسدد له الاحتياجات وتعوضه اكتر بكتير ( هونها وعدي الأزمات وابعت لنا فرحة وبركات وهنستنى الاستجابات دا رجانا في غناك يا يسوع ) (2)
  6. العربية
    6- اللي بيبكي على اللي سابوه مش عايز يتعزى في يوم مين غيرك انت يقويه ويفرح قلبه المهموم ( هونها وعدي الأزمات وابعت لنا فرحة وبركات وهنستنى الاستجابات عزينا بوعدك يا يسوع ) (2)
  7. العربية
    كلمات: مينا مجدي ألحان ماهر فايز (من ترنيمة أخرى) ترنيم: نعمه اسحق، سامح عطا، مهاب جميل، سامح سعد، روبير سمير المصدر: موقع الأنبا تكلاهيمانوت (St-Takla.org)