ترنيمة نادي عليه

عرض الآن
ترنيمة نادي عليه
الشريحة 1 من 6

النص

  1. العربية
    مابقتش قادره اشوف ولا سكة مفتوحة ... احلامي مجروحة ... مش حاسة اي سلام مابقتش بعرف انام من زحمة المواضيع ... انا حاسة اني بيضيع ... و بضيع الايام عايشة تملي في خوف و مشاعري بردانة ... و تملي قلقانة مش شايفة بكرا امان و كاني عايشة عشان احلم لناس غيري ... موتني تفكيري و قلبي اتملي احزان
  2. العربية
    اللي زمان حل الازمة و شق البحر و فتح السكة في وسط الميا و غرق جيش فرعون بمراكبة و قفل الميا عليهم تاني قادر هو بدل السكة الواحدة قصادك يفتح مية و يشيل حزنك زي ما شال احزان ناس ياما و شال حزاني و الإيمان بتبان قيمته و يلمع لما الدنيا بتقفل و تبان ضلمة و الايمان هو اللى بيسند وقت الشيلة ماتبقى تقيلة لازم نفضل عايشين برجاء حتى فى وسط وجود الأزمة دة اللى مخلي المؤمن غالب حتى و هو قليل الحيلة
  3. العربية
    شيل الهموم بيدوم و كأن دة العادى و ببص على الماضي بلقيني ببكى دموع خلاص كفاية رجوع امشي بقى لقدام في بكرة فى احلام فى امل كبير ف يسوع و انسي اللى فات ماهو مات و متظلميش الجاى و متسأليش ازاى هتحبى بكرا و لية انا نفسي اقوى و اقوم و اقفل على اللى اتعاش ببان و مفتحهاش و انسى اللى فات و ارمية
  4. العربية
    ( نادى علية ) اطلبى منه يشيل الخوف اللى مهخليكي حزينة و يائسة شيل الخوف يا يسوع من قلبي تعالى صلحنى على احلامى عند يسوع فى انهار مية بتروى الارض البور اليابسة افتح سواقيك فيض على عمرى و رجع ليا امل ايامى امسكى فيه و امسكى كل خيوط الامل الباقية عشان تتغير حالتك سمعى نفسك انه هيقدر ينهى الجزن و ينهى الحيرة بعلن يا يسوع انك حلى و مستنية اللمسة بتاعتك جيه بسيب على عتبه بابك حملي يا رب و ثقتي كبيرة
  5. العربية
    كلمات: إميل يوسف، إيمان فايق ألحان: باسم فوزي ترنيم: كرستينا رأفت، نادر أيمن ألبوم: فرق توقيت فريق صدى صوت المصدر: موقع الأنبا تكلاهيمانوت (St-Takla.org)