ترنيمة ثابت مهما الأرض اتهزت
- الترانيم
- 5 شرائح
- العربية
الشريحة 1 من 5
النص
- العربية
- ثابت مهما الأرض اتهزّت مهما الريح أخدت أو جابت أنا ماسك في يسوع ومتبّت علشان أفضل دايماً ثابت! تيجي الريح.. وتروح الريح ما يهمش إن جت أو راحت! مهما يكون أنا هأفضل ثابت!
- العربية
- تنزل أمطار وتفيض أنهار وبيوت تنهار وأنا ما اتهدش! ويقوم إعصار أو ريح جبّار ويهزّ الدار وأنا ما اتهزش! و أفضل ثابت
- العربية
- فيه ناس تانيين في الخلا بانيين على رمل وطين ما بيتلمش! وأنا بيتي مريح وأساسه صحيح هتمرّ الريح أو ما تمرّش! و أفضل ثابت
- العربية
- الناس خايفين في قلق عايشين ويناموا صاحيين بعيون ترعش! وأنا في الأهوال مرتاح البال لو قام زلزال أنا ما أهتمش! وأفضل ثابت ثابت مهما الأرض اتهزّت مهما الريح أخدت أو جابت أنا ماسك في يسوع ومتبّت علشان أفضل دايماً ثابت! تيجي الريح.. وتروح الريح ما يهمش إن جت أو راحت! مهما يكون أنا هأفضل ثابت!