ترنيمة وحشتني كنيستي

عرض الآن
ترنيمة وحشتني كنيستي
الشريحة 1 من 7

النص

  1. العربية
    "القرار" وحشتني كنيستي وقلبي فاكرها وليها خلاص حنيت نفسيتي وحشه كمان من غيرها وهعمل ايه ؟! من كتر ما قلبي اشتاق دلوقتي انا جيت وحكيت حبيت اتكلم اقول الواحد نفسه ف ايه ؟!
  2. العربية
    الواحد نفسه ف خلوه وأيام حلوه يومين ف الدير وقفة صلوات بساعات بدموع وكلام م القلب كتير .. قداس ف الفجر خضوع وخشوع وايمان في حضور الله وتناول يسكن جسدي يطهر قلبي في سر كبير
  3. العربية
    تسبحه في كيهك ف عز الليل وسط حبايب وصحاب صوره تجمعنا مع المزود كلنا اطفال وشباب .. حد الشعانين وخميس العهد وفرحة ثوك تي تي جوم قداس العيد جوه كنيستي ولمتنا ف حضن الأب
  4. العربية
    مسرح وكورال قبطي والحان وجمال وقت البروفات خدمة أطفال فرحة رحلات ايامنا ف مؤتمرات ضحكه من القلب ووعظه لابونا وقعده ف قرب يسوع ومعسكر كشافه وطوابير و القوه ف الصيحات
  5. العربية
    وحشتني كنيستني بكل ما فيها وبجميع الأشياء ويا بيت ربنا انا قلبي خلاص ف البعد اهو وداب واشتاق افتحي ابوابك يا كنيسه ورجعي أحلي الأيام ربنا ما يجيب ابدآ تاني غربه ولا بعاد وفراق
  6. العربية
    كلمات: مينا مجدي ألحان: مارفي صموئيل ترنيم: أبانوب مجدي، مارفي صموئيل، يوسف بيتر، مادونا مجدي المصدر: موقع الأنبا تكلاهيمانوت (St-Takla.org)