ترنيمة ولسة يا عدرا

عرض الآن
ترنيمة ولسة يا عدرا
الشريحة 1 من 6

النص

  1. العربية
    1- ولسة يا عدرا بتحني, وبتشيلي الهموم عني وساعة لما بأندهلك, بتيجي تقربي مني في وقت الخنقة والضيقة, بأشوفك أم وصديقة يا فرحة في عز أحزاني, شفيعة جميلة وبريئة
  2. العربية
    القرار: ماغبتيش عني ولا ثانية, ماتتقارنيش بناس تانية, يا أكتر واحدة حبيتها, يا أطيب أم في الدنيا. (2)
  3. العربية
    2- مافيش ولا ثانية سبتيني, نادتلك يوم سمعتيني وياما يا أمي بأحكيلك, وياما زمان سندتيني يا بختي بحضنك الدافي, يا قلب في الوجع شافي يا شايلاني في عينيكي سنين, وشايلة هموم على كتافي
  4. العربية
    3- يا أكبر فرحة في حياتي, يا سامعة بُكايا وصلاتي يا ست الكل يا حبيبتي, معايا في كل أوقاتي أنا الطفل اللي بيحبك, وماسك لسة في إيديكي ومهما الحزن بيطَوِل, بترجع ضحكتي بيكي
  5. العربية
    كلمات: مينا مجدي ألحان: مارفي صموئيل ترنيم: كورال مار افرم السرياني (، يوستينا ظريف) المصدر: موقع الأنبا تكلاهيمانوت (St-Takla.org)