تمجيد أبونا القمص بيشوي كامل: من بيت الملايكة
- Lobpreisungen der Heiligen und Märtyrer · Jährliche Psalmodie
- 2 Folien
- Arabisch
Dieses bitte mit der Quelle abgleichen
- slide 1: 2261 characters; the source prints it as one sentence or passage
Folie 1 von 2
Text
- Arabisch
- من بيت الملايكة ربى اختار البركة يا ابونا بيشوى + واختارك بنيوت وعطاك الكهنوت يا ابونا بيشوى + طاوعت حبيبك وحملت صليبك يا ابونا بيشوى + ونزلت تجاهد بايمان قوى جاد يا ابونا بيشوى + وحملت الانجيل بشارة ودليل يا ابونا بيشوى + فى الحلق حلاوة فى القلب نقاوة يا ابونا بيشوى + رجعت الطقوس وبنيت النفوس يا ابونا بيشوى + علمتنا يا حبيبنا نفتخر بصليبنا يا ابونا بيشوى + وقلت المحبة لا تسقط يا أحبة يا ابونا بيشوى + اليتيم رفيقك والمريض صديقك يا ابونا بيشوى + داويت المجروح عزيته بالروح يا ابونا بيشوى + لك فى كل مكان كنيسة والحان يا ابونا بيشوى + و ولادك كمان فيهم الرهبان يا ابونا بيشوى + لك فى كل دير راهبات كتير يا ابونا بيشوى + تسأل ع الغريب ولا تهدأ يا حبيب يا ابونا بيشوى + بتحب الترتيل وقراية الانجيل يا ابونا بيشوى + وتحب الاطفال وبتجرى ورا الضال يا ابونا بيشوى + وف احضان يسوع سكبت الدموع يا ابونا بيشوى + لك بسمة بوداعة علمتنا الطاعة يا ابونا بيشوى + قلبك كان واسع نجمك كان لامع يا ابونا بيشوى + مهما غبت عنا حاضر وبتسمعنا يا ابونا بيشوى + يا عذوبة قداسك بتصليه بحواسك يا ابونا بيشوى + ريحتك ذكية نور المسيحية يا ابونا بيشوى + طاهر فى حياتك بكر فى خدمتك يا ابونا بيشوى + حتى فى الآلامات زادت الخدمات يا ابونا بيشوى + تحتمل الآلام بفرح وسلام يا ابونا بيشوى + ما بتنساش ولادك بنعمة ارشادك يا ابونا بيشوى + من وسط الآلامات اقمت القداسات يا ابونا بيشوى + بالاسم عارفنا بالقلب شايفنا يا ابونا بيشوى + من حبك للطاهرة بنيت فى كليوباترة يا ابونا بيشوى + تبقى الفرحة فرحة لما عيونك تصحى يا ابونا بيشوى + وسرورك الاكيد لما تجيب شريد يا ابونا بيشوى + وتنقى وتختار وتقدم اطهار يا ابونا بيشوى + وتقدم شبان وتقوى البنيان يا ابونا بيشوى + وتقدم شابات تبقى قوام خادمات يا ابونا بيشوى + شفناك فى الآلام راعى للأيتام يا ابونا بيشوى + شفناك عمود نور بيطلع بخور يا ابونا بيشوى + وشفناك يا ابونا النفس الامينة يا ابونا بيشوى + وشفناك فى الضيق ملجأ وطريق يا ابونا بيشوى + وشفناك ايمان سابق للأزمان يا ابونا بيشوى + وشفناك وديع متواضع مطيع يا ابونا بيشوى + وشفناك ملاك منور سماك يا ابونا بيشوى + وشفناك نظام حب واحترام يا ابونا بيشوى + وشفناك عجيب أب وحبيب يا ابونا بيشوى + وشفناك أبوة فى غاية المروة يا ابونا بيشوى + وشافك الهك بركة بين الكهنة يا ابونا بيشوى + فى 12 برمهات تمم وعدك معاك يا ابونا بيشوى + قديسين حواليك فرحانين قوى بيك يا ابونا بيشوى + اتعطف واذكرنا قدام عرش الهنا يا ابونا بيشوى + بشفاعة العدرا الأم الطاهرة يا ابونا بيشوى + صل لأولادك يواصلوا جهادك يا ابونا بيشوى