ترنيمة قلت عليك إن أنت ناسيني

Jetzt präsentieren
ترنيمة قلت عليك إن أنت ناسيني
Folie 1 von 14

Text

  1. Arabisch
    (1) قلت عليك إن أنت ناسيني ولا بتدافع ولا تحميني ولا بيهمك إيه يفرحني ولا بيهمك إيه يبكيني
  2. Arabisch
    لقيتك راسم صورة لخطة ماهيش محصورة في ضعفي وجهلي وفكري البشري وقدراتي المحدودة
  3. Arabisch
    ولقيتك أب في وقت الحاجة تجري تمد الإيد ونبص بنظرتنا المحدودة وأنت تشوف لبعيد
  4. Arabisch
    (2) قلت الناس مساكين وغلابة وأنت بعيد والدنيا دي غابة والإيمان والصورة الحلوة لرعايتك شعارات كدابة
  5. Arabisch
    لقيت قلبك مليان إحساس وبتتألم لآلام الناس وعايش في همومنا ومشاكلنا وفي قلب الأحداث
  6. Arabisch
    ولقيتك لما الجوع بيشد تبعت خبزي مع الطير أتذمر وأنت تكون بتعد وترتب لي الخير
  7. Arabisch
    (3) قلت عليك ما بتسمعنيش أنده ياما عليك ما تجيش قلت إن أنت خلقت الناس وسايبنا نعيش زي ما بنعيش
  8. Arabisch
    لقيت في الشك غباء وسذاجة ساعات أحلامنا تكون محتاجة الشكر مع الإيمان والصبر ودموع الصلاة بلجاجة
  9. Arabisch
    ولقيت الصلاة والصبر معاك مجهود مش بيضيع واللي يجيلك عشمان يلقاك رب بصير وسميع
  10. Arabisch
    (4) قلت إن أنت بعيد في سماك وعينيا ما هياش شايفاك وأعمل إيه علشان أوصلك وأعمل إيه علشان ألقاك
  11. Arabisch
    لقيتك جيت في صورة إنسان وعشت في نفس ظروفي كمان واتقال عنك رجل الأوجاع ومختبر الأحزان
  12. Arabisch
    سامحني بدم بصليبك آسف أسأت الفهم في يوم وفي ثورة غضبي وقلبي الخايف وجهت لك لوم
  13. Arabisch
    كلمات: رأفت رضا ألحان: رأفت رضا ترنيم: روماني سليمان، صموئيل فاروق / فايز عدلي / إيريني أبو جابر / فيبي كرم / مينا نبيل المصدر: موقع الأنبا تكلاهيمانوت (St-Takla.org)