ترنيمة نقطة تحول

Jetzt präsentieren
ترنيمة نقطة تحول
Folie 1 von 9

Text

  1. Arabisch
    1- كنت هاسَلِّم كنت على وشك التراجع كنت خلاص قربت استسلم كنت زهقت وناوي اقولك أنا مش عايز اكمل تاني فاكر يومها كنت باشاور عقلي وسامع مليون صوت بيقوللي اعملها لكن صوتك وقتها كان اقوى واقرب صوت لوداني
  2. Arabisch
    انت ناديتني وقلتلي عندك ليا حياة جديدة هتتعاش قلتلي انسى الماضي وهات ايدك وتعالى ابدأ م الاول خدت حياة جديدة بمستقبل وبأحلام كل ده ببلاش جيت لونت حياتي السودا وشكل العمر بحاله اتحول أنا يوم لقايا بيك يا رب حقيقي كان نقطة تحول
  3. Arabisch
    2- وانا عن نفسي من كتر ما عاندتني ظروفي كنت مسلم حلمي ليأسي شبح الفشل اللي مخوفني دفعني افكر فيك بسذاجة كنت بافكر انك راضي بقلقي وخوفي وانت أساساً مش بتفكر غير ف سعادتي وراحة بالي وفجأه غيرت كل حاجه
  4. Arabisch
    لما ناديتني وقلتلي عندك ليا حياة جديدة هتتعاش قلتلي انسى الماضي وهات ايدك وتعالى ابدأ م الاول خدت حياة جديدة بمستقبل وبأحلام كل ده ببلاش جيت لونت حياتي السودا وشكل العمر بحاله اتحول أنا يوم لقايا بيك يا رب حقيقي كان نقطة تحول
  5. Arabisch
    3- وانا ف حكايتي كنت باقول أخر أيامي كنت مفكر جايه نهايتي إيدك دخلت وسط المشهد عملت شئ بره احتملاتي جيت تحييني بعد ما شفت الموت قدامي شفتك واقف بينه وبيني كنت هاموت فعلاً لولا انت جيت يا يسوع انقذت حياتي
  6. Arabisch
    يومها ناديتني وقلتلي عندك ليا حياة جديدة هتتعاش قلتلي انسى الماضي وهات ايدك وتعالى ابدأ م الاول خدت حياة جديدة بمستقبل وبأحلام كل ده ببلاش جيت لونت حياتي السودا وشكل العمر بحاله اتحول أنا يوم لقايا بيك يا رب حقيقي كان نقطة تحول
  7. Arabisch
    انت ناديتنا علشان عندك لينا حياة جديدة هتتعاش
  8. Arabisch
    كلمات: إميل يوسف ألحان: سامح عبيد ترنيم: حياة جديدة باند المصدر: موقع الأنبا تكلاهيمانوت (St-Takla.org)