ترنيمة قلت عليك إن أنت ناسيني

Present now
ترنيمة قلت عليك إن أنت ناسيني
Slide 1 of 14

Text

  1. Arabic
    (1) قلت عليك إن أنت ناسيني ولا بتدافع ولا تحميني ولا بيهمك إيه يفرحني ولا بيهمك إيه يبكيني
  2. Arabic
    لقيتك راسم صورة لخطة ماهيش محصورة في ضعفي وجهلي وفكري البشري وقدراتي المحدودة
  3. Arabic
    ولقيتك أب في وقت الحاجة تجري تمد الإيد ونبص بنظرتنا المحدودة وأنت تشوف لبعيد
  4. Arabic
    (2) قلت الناس مساكين وغلابة وأنت بعيد والدنيا دي غابة والإيمان والصورة الحلوة لرعايتك شعارات كدابة
  5. Arabic
    لقيت قلبك مليان إحساس وبتتألم لآلام الناس وعايش في همومنا ومشاكلنا وفي قلب الأحداث
  6. Arabic
    ولقيتك لما الجوع بيشد تبعت خبزي مع الطير أتذمر وأنت تكون بتعد وترتب لي الخير
  7. Arabic
    (3) قلت عليك ما بتسمعنيش أنده ياما عليك ما تجيش قلت إن أنت خلقت الناس وسايبنا نعيش زي ما بنعيش
  8. Arabic
    لقيت في الشك غباء وسذاجة ساعات أحلامنا تكون محتاجة الشكر مع الإيمان والصبر ودموع الصلاة بلجاجة
  9. Arabic
    ولقيت الصلاة والصبر معاك مجهود مش بيضيع واللي يجيلك عشمان يلقاك رب بصير وسميع
  10. Arabic
    (4) قلت إن أنت بعيد في سماك وعينيا ما هياش شايفاك وأعمل إيه علشان أوصلك وأعمل إيه علشان ألقاك
  11. Arabic
    لقيتك جيت في صورة إنسان وعشت في نفس ظروفي كمان واتقال عنك رجل الأوجاع ومختبر الأحزان
  12. Arabic
    سامحني بدم بصليبك آسف أسأت الفهم في يوم وفي ثورة غضبي وقلبي الخايف وجهت لك لوم
  13. Arabic
    كلمات: رأفت رضا ألحان: رأفت رضا ترنيم: روماني سليمان، صموئيل فاروق / فايز عدلي / إيريني أبو جابر / فيبي كرم / مينا نبيل المصدر: موقع الأنبا تكلاهيمانوت (St-Takla.org)