ترنيمة ملك التاريخ
- Chants
- 7 slides
- Arabic
Slide 1 of 7
Text
- Arabic
- بابص على اللي فات كله انا وبلاقيك في حاجه بتقول من هنا عدت ايديك صورتك بتظهر في اللي فات موجود في قلب الذكريات في حاجات ماكانتش هتعدي وعدت بيك
- Arabic
- بدل دليل واحد بتسيبلي الف دليل عشان مانساش سنين عدت وعمر طويل في ناس بتهرب من اللي راح عشان مفيش فيه غير جراح لكن بيك اللي عشته بيبقي ماضي جميل
- Arabic
- ملك التاريخ وملك على مشاكلي وظروفي الكل ليك ف حاله خضوع اسمك لوحده كفايه يطرد مني خوفي فانا مش هبطل اقول يسوع
- Arabic
- مفيش يوم حلو عشته انت ماكنتش فيه حسيت معاك اني ليا ضهر اسند عليه وليا كبير على الازمات بيضمن قفلت الحكايات ولكل موقف عندي وعد استقوى بيه
- Arabic
- كل اما باضعف وافتكر ضعفي القديم فطبيعي بافتكر انت كنت ازاي عظيم قوتني وانا فعلاً قويت ووقفت على حيلي ومشيت والضعف ماكسرنيش واديني عايش سليم
- Arabic
- كلمات: إميل يوسف ألحان: فادي طلعت ترنيم: فريق المس إيدينا المصدر: موقع الأنبا تكلاهيمانوت (St-Takla.org)