ترنيمة لكن أنا ليك، يا ربي ليك

Present now
ترنيمة لكن أنا ليك، يا ربي ليك
Slide 1 of 7

Text

  1. Arabic
    يا رب أنا نفسي اقدر واعبر واحكيلك عن حبي ليك وايه معنى الحب لم بالخطية أجري عليك أطلب منك الغفران وكمان أقول وعود كتير لكن برضو بطبعي بنسى وبعمل ذنبي الكبير لكن أنا ليك يا ربي ليك مش عارف أوصف حبي ليك
  2. Arabic
    كام مرة جيتلك وسط تعبي واحتياجي لحضن كبير يضمني يمسح دموعي ويشيل عني هم تقيل تديني قوة ونصرة منك وحنان ملهوش مثيل بس في لحظة ببعد عنك وبقول قلبك كبير لكن أنا ليك يا ربي ليك مش عارف أوصف حبي ليك
  3. Arabic
    وساعات بفكر . لأ واقرر اني اكون انسان جديد أوهبلك نفسي وعمري كله للوصية أكون مطيع وابدأ طريقي بسرعة بكرة بفرح وإيمان عظيم لكني بزهق أو بقول مانا حالي زي ناس كتير لكن أنا ليك يا ربي ليك مش عارف أوصف حبي ليك
  4. Arabic
    ومهما أحاول أو أجاهد كل مرة ارجع حزين أو لما أغير أو أفكر لذنوبي أفضل أسير لكن أنت يا ربي قايل يا جميع المتعبين تعالوا عندي تلاقوا راحة وسلام ملهوش مثيل عشان أنا ليك يا ربي ليك مش عارف أوصف حبي ليك
  5. Arabic
    دلوقتي بس فهمت أنك عندك وحدك التغيير غير حياتي أملك كياني والظلام يصبح منير كان قلبي تايه عقلي غايب والهلاك هو المصير لكن عندك الحياه وف سماك هطلع واطير ضمني ليك يا ربي ليك (انا عايز أفضل ابن ليك) (3)
  6. Arabic
    كلمات: جورج يسري ألحان: جورج يسري حفل: لي صديق، كورال قيثارة السماء، 2015 م المصدر: موقع الأنبا تكلاهيمانوت (St-Takla.org)