ترنيمة ليه يا ابن آدم

Present now
ترنيمة ليه يا ابن آدم
Slide 1 of 13

Text

  1. Arabic
    تايه ما بين زحمه ومشاغل ف الدنيا دي طالع ونازل والغريبة ان انت عارف انه حلال المشاكل (2)
  2. Arabic
    تايه في قلب الموج وصوت عندك عاميك لو هترجع لسه مستنيك هناك وما زلت رغم الحب ده فاكره معاديك لو هتسمع صوته عمره ما عاداك
  3. Arabic
    ليه يا ابن أدم قلبك عنيد وتملي عايش وسط الظلام مزروع ف عالم هدفه الوحيد يبعد بقلبك عن السلام ليه يا ابن أدم قلبك عنيد قافل قصاده كل البيبان عايش حياتك زي الغريب (رافض تسلم ليه الكيان) (2)
  4. Arabic
    وهربت وخدت حياتك فاكر هتروح للنور والنور اللي انت رايحله نار حامية وملهاش سور بتلف وتكوي وتحرق وتسيب الفرح رماد اهرب علشان تتحقق وتجرب الاستعباد
  5. Arabic
    والذل تملي مصاحبك وممشيك لوي دراع قربت تموت من قهرك بعت حاجات ما بتتباع والحب خلعته بجذره وزرعت مكانه دموع لو انفاسك يعتذروا قلبك لساه موجوع
  6. Arabic
    وجعك لو كان يتدارى لساه سايب علامات لو فاكر تبقى شطارة تتدارى بعيد وتبات راح تزهق م اللي تبات فيه وتقوم على نفس الحال حالك لوجيت بصيت له هتلاقي حمل جبال
  7. Arabic
    وجبال الذل تقيله وانت قصادك مشاوير وحبال البعد طويله والبعد ماهوش تغيير بُعدك لو كان يوم فادك كان حالك غير الحال لو فاكر وقتك فات نفسك لسه شغال
  8. Arabic
    اليأس مُميت وبيبني أسوارعمالة تزيد لوناوي تعيش مستني هتموت ف الأسر أكيد (غّير ترتيبهم جرب دي (أمل( و(ألم) ترتيب فبلاش تفضل مستصعب وبلاش تبعد وتغيب) (2)
  9. Arabic
    وفيها ايه لو يوم تجيله وترمي همك بين إيديه هتلاقي حبه حوط عليك وشالك انت جوه ف عينيه وفيها ايه لو يوم تجيله وترمي همك بين إيديه كل اللي فوق كتفك يشيله ويشيلك انت جوه ف عينيه
  10. Arabic
    ليه يا ابن أدم قلبك عنيد وتملي عايش وسط الظلام مزروع ف عالم هدفه الوحيد يبعد بقلبك عن السلام
  11. Arabic
    ليه يا ابن أدم قلبك عنيد قافل قصاده كل البيبان عايش حياتك زي الغريب (رافض تسلم ليه الكيان) (2)
  12. Arabic
    كلمات: بيشوي جرجس ألحان: يوسف كمال ترنيم: كورال نغمات داود بالإسكندرية، أبانوب كمال ألبوم: ليه يابن آدم المصدر: موقع الأنبا تكلاهيمانوت (St-Takla.org)