ترنيمة كنيسة واحدة

Present now
ترنيمة كنيسة واحدة
Slide 1 of 16

Text

  1. Arabic
    ولا حد فيها كان ملغي دوره سراج وظاهر للكل نوره الإكليروس والعِلماني
  2. Arabic
    كاهن وشماس وشعب صَلُّوا بقلب واحد صوتهم وصل له وقوية ما الله هو الباني
  3. Arabic
    رغم التنوع والاختلاف لكن كنيسة مافيهاش خلاف وَلا فيها شِيء محتاج تَعتيم
  4. Arabic
    جَسد وأعضاؤه كتير والكل لِيه فايدة وتأثير مُقَدّسَة وإيمانها سَليم
  5. Arabic
    كنيسة واحدة إلهها واحد ووحدانية إلهها جامعة كنيسة واحدة رسولية جامعة دي مدرستنا اللي عَلّمتنا مش بس دي مدرسة دي جامعة
  6. Arabic
    الله باركها دايمًا ماسكها ولا يوم نِسيها ولا يوم تَركها روح قُدسه هُوَّ اللي محَرّكها قوية بإيمانها وشُهداءها بشعبها آباءها وبطركها
  7. Arabic
    كنيسة ماشية وراسها فوق راسها المسيح وبكل شوق تِدُق أبواب الجحيم
  8. Arabic
    تِكسَرها تِنجد العبيد كارزة بمُخَلّصها الوحيد عايشة بإيمانها المُستقيم
  9. Arabic
    كنيستنا دي منارة المنارات في ليتورچية وسمينارات مُهتَمّة بسلامة التَّعليم
  10. Arabic
    مِن البِدَع واللي ابتدعوها مِن الشُّكوك وفاعلوها نَجيها يا إلهنا العظيم
  11. Arabic
    كنيستي نور فـ قلب ضَلمة ومش هتبقى لحد ظالمة وكلامها مِن غير اندفاع
  12. Arabic
    فيها العدالة تَمَلّي حاكمة وِلو لِفكرة تِعمل مُحَاكمة بِتدِّي فُرصة للدّفاع
  13. Arabic
    فيها الأبوة بِلا استقالة والتّلمَذة مِش عِظة وِمَقالَة دي حياة بِتتعاش دي تَشجيع
  14. Arabic
    فيها اتضاع مافيهاش سِباق أبناء وبيطيعوا الآباء وإلهنا طاعته فوق الجَميع
  15. Arabic
    كلمات: رمزي بشارة ألحان: يوحنا فيكتور ترنيم: إبراهيم عياد، يوستينا ظريف، ساتر ميخائيل، نازريت بولس، أبونا بقطر نسيم، مريم رؤوف، ماجد جميل مع كورال مارإفرام السرياني بكنيسة السيدة العذراء بالقصيرين المصدر: موقع الأنبا تكلاهيمانوت (St-Takla.org)