ترنيمة زعلان من نفسي

Present now
ترنيمة زعلان من نفسي
Slide 1 of 6

Text

  1. Arabic
    زعلان من نفسي وهاشكيلك ده انا أحلى ما فيا بيتغير جايلك بهمومي وهاحكيلك أنا قصه وفعلاً بتحير جوايا حاجات مش مني أكيد وحاجات بتموت وحاجات بتزيد وحاجات من كتر ما وحشاني لو جت بافرح أكتر م العيد وحاجت هاجرت مش رجعالي وما بيني وبينها الفرق بعيد
  2. Arabic
    تاهت أحلامي بإهمالي ومشيت في طريق ما يوصلشي وحاجات فـ عينيا بتحلالي من كتر ما تافهه ما تتقالشي بتألم باصرخ وبانادي على حملي يخف ما يتقلشي ورفضت مشيئتك في حياتي في وجودك كنت باقوم أمشي وغريبه انك ما بتزعلشي !
  3. Arabic
    أنا شكلي اتشوه من جوا وبيلمع يمكن من بره بتظاهر دايماً بالقوة في اليوم أنا باضعف 100 مرة أنا نفسي بتكره أفعالي وسجينة بذنبي ومش حرة وباصب خطيتي فـ كاس واشرب فـ الاول طعمها يخدعني لكن باكتشف انها مره
  4. Arabic
    حالتي وبتسوء اوي بزيادة فعلاً مش قادر اتحمل فأكيد مش هتسيبني أتمادى وهتصلح مني وهتجمل إبنك محتاجك! هتسيبه؟ ده أبويا الأرضي ما يعملهاش أنا واثق فيك أكتر مني ومعروف بأنك ما بتنساش فلذلك جايلك متطمن ده الحزن بقاله سنين صاحبي أول ما سمعني بأقول جايلك سابني لوحدي ومعايا ما جاش خليني أعيش جنبك دايماً واكسب أبديتي ما اخسرهاش
  5. Arabic
    كلمات: مينا كامل ألحان: سامح نبيل ترنيم: بيتر هاني المصدر: موقع الأنبا تكلاهيمانوت (St-Takla.org)