ترنيمة قلت عليك إن أنت ناسيني

Présenter maintenant
ترنيمة قلت عليك إن أنت ناسيني
Diapositive 1 sur 14

Texte

  1. Arabe
    (1) قلت عليك إن أنت ناسيني ولا بتدافع ولا تحميني ولا بيهمك إيه يفرحني ولا بيهمك إيه يبكيني
  2. Arabe
    لقيتك راسم صورة لخطة ماهيش محصورة في ضعفي وجهلي وفكري البشري وقدراتي المحدودة
  3. Arabe
    ولقيتك أب في وقت الحاجة تجري تمد الإيد ونبص بنظرتنا المحدودة وأنت تشوف لبعيد
  4. Arabe
    (2) قلت الناس مساكين وغلابة وأنت بعيد والدنيا دي غابة والإيمان والصورة الحلوة لرعايتك شعارات كدابة
  5. Arabe
    لقيت قلبك مليان إحساس وبتتألم لآلام الناس وعايش في همومنا ومشاكلنا وفي قلب الأحداث
  6. Arabe
    ولقيتك لما الجوع بيشد تبعت خبزي مع الطير أتذمر وأنت تكون بتعد وترتب لي الخير
  7. Arabe
    (3) قلت عليك ما بتسمعنيش أنده ياما عليك ما تجيش قلت إن أنت خلقت الناس وسايبنا نعيش زي ما بنعيش
  8. Arabe
    لقيت في الشك غباء وسذاجة ساعات أحلامنا تكون محتاجة الشكر مع الإيمان والصبر ودموع الصلاة بلجاجة
  9. Arabe
    ولقيت الصلاة والصبر معاك مجهود مش بيضيع واللي يجيلك عشمان يلقاك رب بصير وسميع
  10. Arabe
    (4) قلت إن أنت بعيد في سماك وعينيا ما هياش شايفاك وأعمل إيه علشان أوصلك وأعمل إيه علشان ألقاك
  11. Arabe
    لقيتك جيت في صورة إنسان وعشت في نفس ظروفي كمان واتقال عنك رجل الأوجاع ومختبر الأحزان
  12. Arabe
    سامحني بدم بصليبك آسف أسأت الفهم في يوم وفي ثورة غضبي وقلبي الخايف وجهت لك لوم
  13. Arabe
    كلمات: رأفت رضا ألحان: رأفت رضا ترنيم: روماني سليمان، صموئيل فاروق / فايز عدلي / إيريني أبو جابر / فيبي كرم / مينا نبيل المصدر: موقع الأنبا تكلاهيمانوت (St-Takla.org)