ترنيمة ليه يا ابن آدم
- Chants
- 13 diapositives
- Arabe
Diapositive 1 sur 13
Texte
- Arabe
- تايه ما بين زحمه ومشاغل ف الدنيا دي طالع ونازل والغريبة ان انت عارف انه حلال المشاكل (2)
- Arabe
- تايه في قلب الموج وصوت عندك عاميك لو هترجع لسه مستنيك هناك وما زلت رغم الحب ده فاكره معاديك لو هتسمع صوته عمره ما عاداك
- Arabe
- ليه يا ابن أدم قلبك عنيد وتملي عايش وسط الظلام مزروع ف عالم هدفه الوحيد يبعد بقلبك عن السلام ليه يا ابن أدم قلبك عنيد قافل قصاده كل البيبان عايش حياتك زي الغريب (رافض تسلم ليه الكيان) (2)
- Arabe
- وهربت وخدت حياتك فاكر هتروح للنور والنور اللي انت رايحله نار حامية وملهاش سور بتلف وتكوي وتحرق وتسيب الفرح رماد اهرب علشان تتحقق وتجرب الاستعباد
- Arabe
- والذل تملي مصاحبك وممشيك لوي دراع قربت تموت من قهرك بعت حاجات ما بتتباع والحب خلعته بجذره وزرعت مكانه دموع لو انفاسك يعتذروا قلبك لساه موجوع
- Arabe
- وجعك لو كان يتدارى لساه سايب علامات لو فاكر تبقى شطارة تتدارى بعيد وتبات راح تزهق م اللي تبات فيه وتقوم على نفس الحال حالك لوجيت بصيت له هتلاقي حمل جبال
- Arabe
- وجبال الذل تقيله وانت قصادك مشاوير وحبال البعد طويله والبعد ماهوش تغيير بُعدك لو كان يوم فادك كان حالك غير الحال لو فاكر وقتك فات نفسك لسه شغال
- Arabe
- اليأس مُميت وبيبني أسوارعمالة تزيد لوناوي تعيش مستني هتموت ف الأسر أكيد (غّير ترتيبهم جرب دي (أمل( و(ألم) ترتيب فبلاش تفضل مستصعب وبلاش تبعد وتغيب) (2)
- Arabe
- وفيها ايه لو يوم تجيله وترمي همك بين إيديه هتلاقي حبه حوط عليك وشالك انت جوه ف عينيه وفيها ايه لو يوم تجيله وترمي همك بين إيديه كل اللي فوق كتفك يشيله ويشيلك انت جوه ف عينيه
- Arabe
- ليه يا ابن أدم قلبك عنيد وتملي عايش وسط الظلام مزروع ف عالم هدفه الوحيد يبعد بقلبك عن السلام
- Arabe
- ليه يا ابن أدم قلبك عنيد قافل قصاده كل البيبان عايش حياتك زي الغريب (رافض تسلم ليه الكيان) (2)
- Arabe
- كلمات: بيشوي جرجس ألحان: يوسف كمال ترنيم: كورال نغمات داود بالإسكندرية، أبانوب كمال ألبوم: ليه يابن آدم المصدر: موقع الأنبا تكلاهيمانوت (St-Takla.org)