ترنيمة أوبريت الخروف نونو

Présenter maintenant
ترنيمة أوبريت الخروف نونو
Diapositive 1 sur 10

Texte

  1. Arabe
    الراوي: كان فيه زمان خروف كمشان في فروة صوف صوغنن وتلاقيه بيشب عشان يشوف كان زمان خروف بين إخواته الكتير على تل أو غدير عامل إنه الكبير ويزاحم في الصفوف وكان زمان خروف وإخواته من عينهم سامعين لصوت راعيهم بحبه كان حاميهم من شر أي خوف بس اللي كان خروف كمشان في فروة صوف صوغنن وتلاقيه بيشب عشان يشوف بيمأمأ بالحروف نزنز: مأمأمأ الفجر جاي يشقشق والعصفورة تزقزق وأنا وحدي يا ناس بمأمأ وأتغطى بفروة صوف إكمني أنا الخروف
  2. Arabe
    الصبح وكل يوم بقوم من أحلى نوم يوم شمس ويوم غيوم وأنا كل يوم خروف العيشة دي ملتها عيوني أنا رايح أشوف لي طريق تاني ده طريق ومحاوطاه الأشواك لكن أشواكه دي عجباني عصفور 1: شايف يا كوكو شايف نونو ده ماشي لوحده من غير راعي كل يوم بنشوفه ويا الراعي عصفور 2: ياه شايف الشوكة بصاله إزاي ابعد بقى يا أخي أف الشوكة: يا خروف يا خرفرف يا مخرف مالك بتفكر وتخرف دا أنا شوكة شوكوك وبشوك لكن برضه هانتعرف جه في يوم
  3. Arabe
    حسيت إني لوحدي شوكة في وسط ورود في جنينة خايفة ودبلانة ومش عندي شكل منور أو لون زينة كل الورد ده كان لونه وردي وأنا لوني مالوش لون وحزينة قلت أنا لازم أكبر وأكبر وأتقل كل الورد وأدمر نونو: هو الورد ده كن ماله بيكي؟ الشوكة: كان فرحان جدًا ومزهر وأنا قاعدة بشوك مع شوكي وده بعبيره فضل بتعطر رحت كبرت وحاوطته وأما أصحابه قربوا يزوروه مدوا إيديه يقطوفوا ريحته رحت أنا شاكاهم فرموه وأهو من يومها بقيت وحديا ولا حدش بيفكر فيا
  4. Arabe
    ولا لي جنايني بيرعاني ولا أصحاب بيحنوا علي حتى المطرة أن نزلت تاني مش بتحنن شوكي المية نونو: يعني إنتِ عشان خنتي أصحابك وحاولتي تكوني لوحديكي روحتي بقيتي في وسط عذابك ولا في حد بيسأل فيكي الشوكة: إنت لوحدك هنا يا خروف طيب وحنين وعطوف جيت لي محدش جابك أبدًا وأنا محتاجة لكل الصوف مش ممكن تفلت من شوكي شكلك أحلى كتير منتوف نونو: لأ ده تجني ابعدي عني إيه اللي لك عايزة إيه مني
  5. Arabe
    ده أنا جايلك من أحلى مراعي ومانشفتش دموع في وداعي كل أصحابي كتير حبوني ده أنا طول عمري في حضن الراعي الشوكة: هو الراعي ده فين فهمني مش ممكن راح ياخدك مني زي ما دبل الورد هاتدبل ولا في جروحك حد هايسأل دا أنا خروف فيه منك مية وأكتر صوف دي المية شوية دا انت خروف هاهاها يا حلاوة الصوف وفي برية ماليها الخوف وحده شوك الأرض يعانده ويدوقه من المر صنوف وسط الشوك وبكل حنان ظهر الراعي وظهرت أحلان
  6. Arabe
    ألحان بتقول للشر خلاص في قلوبنا مافيش ليك أي مكان وبنظرة ماليها الحب اتحنن قلب الراعي ونزل بقى وسط الرحب والنونو ماهواش واعي وفي لحظة في غمضة عين لقى نزنز إيديه في إيدين حاوطوه م الشوك وحاموه وخادوه بين البساتين وهناك في المرعى الهادي خضرة بتفرش عالوداي خرفان رايحين جايين صوتهم في الليل بينادي إحنا التسعة والتسعين وراعينا حبيبنا معين سابنا وسهران بيدور صاحب لينا مسكين سافر والمسكين فاكر في طريق الشوك هايلين
  7. Arabe
    وراعينا كتير حذرنا وكتير بالحب أمرنا مانروحش بعيد بعيوننا لحسن نفضل تايهين شايفينه بعيد أهو راجع من بين الأغصان طالع وجبينه الأبيض ناصع وعينيه مليانة حنين جاي وشايله في أحضانه الحمل التايه نونو اللي دموعه على عيونه وفي قلبه ندم السنين وإحنا التسعة والتسعين نونو: أنا جيت ورجعت خلاص بالحب وبالإخلاص من بعد ما نلت خلاص وحبيبي الراعي فداني فات هو في وسط الشوك وأنا كنت هناك ممسوك حررني وداس الشوك ورجعت معاه من تاني
  8. Arabe
    دا أنا كنت زمان خروف كمشاة في فروة صوف صوغنن وتلاقيني باشف عشان أشوف أن كنت خروف مسكين أخدتك الشوكة سجين إنده للراعي يسوع ده ناقشنا على الكفين راعي الخراف يسوع
  9. Arabe
    ترنيم: فريق الحياة الأفضل (أطفال) المصدر: موقع الأنبا تكلاهيمانوت (St-Takla.org)