ترنيمة فعلًا ربي أنا عارف إنك من نور حبك راح ترشدني

Présenter maintenant
ترنيمة فعلًا ربي أنا عارف إنك من نور حبك راح ترشدني
Diapositive 1 sur 10

Texte

  1. Arabe
    فعلاً ربي أنا عارف إنك من نور حبك راح ترشدني نفسي أجي لك وأقعد أحكي لك واسمع منك كلمة ابني
  2. Arabe
    عايز أنام فوق صدرك لكن فيه سور عالي مانعك عني خوفي وضعفي وكلمة لكن حتى شجاعتي بتهرب مني إيماننا أنك صلبت حاملاً كل الحزان
  3. Arabe
    فجأة نداني وجه صحاني قاللي تعالى وشوف الجرح ليه مستني في بعدك عني حارم نفسك ليه من الفرح
  4. Arabe
    ده أنا علشانك سبت سمايا ونزلت من أجل نجاتك خطاياك صبحت خطايايا وقبلت إني أحيا حياتك
  5. Arabe
    نزعوا ثيابي بدأوا عذابي جسر خلاصك بدا يتمد لص يميني ولص شمالي وسط لصوص صار رب المجد
  6. Arabe
    بصقوا علي ثقبوا يدي كشاه مذبوحه ساقوني للصلب شوك وكسوني بحربة رموني فسال الدم وسال الحب
  7. Arabe
    فيه إيه تاني زي حناني ده بصليبي عليت لك راسك وضعوني في قبري وأكفاني وبموتي أنا تممت خلاصك
  8. Arabe
    افرح يا بني واوع تخاف ده حبيبك واخد لك تارك جنود إبليس تحتيك تنداس ولا تقوى عليك أي ممالك
  9. Arabe
    شكراً ربي في وعدك صادق أصل في وعدك ما بترجعش عهد الخوف أهو راح مش راجع إحنا معاك يا يسوع ما نخافش