ترنيمة زي شمعة في وسط ضلمة كنت نور

Présenter maintenant
ترنيمة زي شمعة في وسط ضلمة كنت نور
Diapositive 1 sur 9

Texte

  1. Arabe
    (قرار) زى شمعة ف.وسط ضلمة كنت نور زى زرعة وطارحة ثمرة فى أرض بور كنت بسمة للحزين ..كنت راحة للتعبانين ، وبجهاد طول السنين من غير فتور
  2. Arabe
    1- ياللى من صغرك وعايش زى الملاك ، الملايكة يشاركوا فى التسبيح معاك ليلك كله دا كان صلاة ، جهاد وتسبيح للإله ، قولى إنت من هنا ولا هناك .
  3. Arabe
    2- ياللى عشت راهب وناسك للمسيح ، ترفض الراحة وتهرب م المديح ، ويقولولك إنك عظيم ، وتقول دا أنا من المساكين ، وإنت بين القديسين سابق الريح
  4. Arabe
    3- عينك بسيطة قلبك منور بالإيمان ، نور ينور حتى من إيديك كمان ، كنت فى الجهاد أمين ، مع السواح القديسين ، ما إنت ما كنتش تدين أى إنسان .
  5. Arabe
    4- نظرة واحدة كانت بترهب شياطين ، حتى منديلك بيحرق ملايين ، كنت ثابت فى الجهاد ، مهما زادوا فى العناد ، واخد نصرة على البعاد من المعين
  6. Arabe
    5- عشت بالزهد فى حياتك ليل نهار ، قمع جسدك هو سر الإنتصار وعشان شهوتك تموت ، ولايوم فى قلبك تفوت ، كنت تخلط أى قوت مع السولار .
  7. Arabe
    6- إشفعلنا عشان نكمل الطريق ، وعن ولادك ترفع صلاة فى كل ضيق ،عشت على أرضنا ومكنتش زينا إحنا شفيعنا فى السما راهب مضىء.
  8. Arabe
    كلمات: سلامه جرجس سلامه الترنيمة عن الراهب فانوس الأنبا بولا ألحان: سلامه جرجس سلامه الترنيمة عن الراهب فانوس الأنبا بولا المصدر: موقع الأنبا تكلاهيمانوت (St-Takla.org)